IKT-Konsulent Hjelmeland kommune 100% fast

Er du ein teknologientusiast som brenn for å levera gode IT tenester for dine kundar, liker å jobba i eit hektisk teknologimiljø både lokalt og i skya? Då er kanskje du den me leitar etter.
Stillinga er 100 %, tiltreding etter avtale.

Ansvar og arbeidsoppgåver
- inngå i IKT-drift, vedlikehald og utvikling av RITS sine IKT-tenester
- installasjon, vedlikehald og oppgradering av kommunens løysingar, applikasjonar, kontorstøtte- og fagsystem
- informasjonssikkerheit og IKT sikkerheit, kvalitetssikring og dokumentasjon
- brukarstøtte
- rådgjeving, løysingsdesign, innkjøp og implementering av ny teknologi
- prosjektarbeid

Kvalifikasjonar
- IKT-utdanning med bachelor grad. 
- kjennskap og erfaring til drift av IKT-løysingar og implementering av system/applikasjonar
- kjennskap og erfaring til IKT-drift og god kompetanse innan eit eller fleire av følgjande område:
          - M365 (Azure AD, Teams, SharePoint, Exchange online, Intune mv)
          - Virtuelt servermiljø (windows)
          - kjennskap til standardar og beste praksis innanfor IKT-sikkerheit
- kjennskap og erfaring til integrasjons- og API-utvikling
- bestått språkopplæring på nivå B2 i norsk
- må ha førarkort klasse B 

Personlege eigenskapar
- entusiastisk innan IKT-faget 
- engasjert og serviceinnstilt med god kommunikasjons- og samarbeidsevne
- ansvarsbevisst med fokus på sikkerheit, kvalitet og dokumentasjon
- løysingsorientert og nytenkande
- evne til å arbeida strukturert og målretta i ein travel kvardag

Sertifiseringar
- all sertifisering og gjennomførte kurs innanfor Cloud/IKT-drift og utvikling er ein fordel

Vilkår
- tilsetjinga vil vera i samsvar med gjeldande lovar og avtalar
- løn etter avtale
- det vert trekt 2% av bruttoløn til pensjonsordninga

Me tilbyr
Me tilbyr den rette kandidaten ei viktig rolle i utvikling av skytenester for Ryfylke kommunane (RITS).
Kompetanseheving er ein viktig del av stillinga noko me legg til rette for, og det er gode moglegheiter for personleg utvikling.

Du vil jobba tett i saman med eit interkommunalt team i RITS-samarbeidet.
Kontorstad er Hjelmeland kommune, men fleksibilitet i forhold til oppmøtedagar/heimekontor. Noko reising vil førekoma. Stillinga rapportera til RITS It-sjef.

Hjelmeland kommune har ei rekke lokalt forhandla ordningar for sine tilsette.
Sjå kommunens heimeside for meir informasjon.

I Hjelmeland kommune er me opptekne av mangfald og eit inkluderande arbeidsmiljø.
Vi har storslått natur og ein rekke sosiale arrangement som kan være attraktive for den rette kandidaten. Hjelmeland er ein trygg og god kommune å bu i, og har eit godt tenestetilbod til alle våre innbyggjarar. 

Kommunen sin visjon er «Hjelmeland Naturlegvis». Med hovudmål Jobb og attraktivitet.

Politiattest
Ver merksam på at me krev politiattest for alle som skal ha arbeidsplassen sin i barnevern, helse og omsorg, IKT, skule og barnehage.

Elektronisk søknadsprosess
Hjelmeland kommune nyttar elektronisk søknadsprosess. Du finn informasjon om korleis du søker på ei ledig stilling her.
Det er viktig for vidare handsaminga av din søknad at du legg inn alle relevante data. Det er høve til å leggja ved attestar og vitnemål, me ønskjer likevel at du tek dei med til eit eventuelt intervju.

Viss du har spørsmål til søknadsprosessen, kan du kontakte personalavdelinga via kundesenteret på tlf. 51 75 70 00.